O candidato de Alternativa dos Veciños na Coruña, Chema Paz Gago, intervirá na sede da Organización das Nacións Unidas para a Educación, a Ciencia e a Cultura (UNESCO) para falar sobre poesía e multiculturalidad, con ocasión da Xornada Mundial da Poesía 2023. Neste importante encontro que se celebrará na sede da organización en París, e no que se homenaxeará ao poeta macedonio Aco Sopov, intervirán tamén o francés Sylvestre Clancier, o norteamericano Will Evans, a canadense Christina E. Kramer ou o mexicano Dionicio Morais, entre outros intelectuais e poetas.
Paz Gago, escritor, xestor cultural e profesor universitario, propón un discurso poético intercultural como elemento integrador das sociedades negroafricanas e europeas para superar as diferenzas raciais, culturais e sociais.
