No mes de novembro o Partido Popular de Miño reclamou ao goberno de Manuel V. Faraldo que sacase a concurso o contrato de xestión do servizo de auga. Este contrato leva meses caducado, a pesar do cal, fai catro meses a empresa xestora subiu o custo do servizo un 10,5%.
Ante a carga económica que isto supón para os veciños, e tratándose dun servizo esencial, o partido da oposición esixiu ao goberno local que sacase a concurso o servizo garantindo unhas mellores condicións.
Pasaron catro meses e aínda non se acordou ningún tipo de medida respecto diso. Lembra a candidata do Partido Popular, Begoña Yañez, que se esta situación non se resolve iso implicará que nuns meses os veciños terán que asumir un novo aumento no custo do servizo de auga.
Resulta do todo inxustificable esta pasividade por parte do alcalde Manuel V. Faraldo respecto a os contratos municipais, xa que esta situación de servizos que se están prestando co contrato caducado esténdese a outras áreas. Isto supón un sobrecusto para o municipio, e unha carga económica para os veciños do todo intolerable tendo en consideración que estes servizos son esenciais.
