Esta mesma semana deron comezo as obras de pavimentación das rúas situadas na zona coñecida como Campo da Agra na parroquia riveirense de Corrubedo: unha actuación municipal que está financiada con cargo ao Plan do Plan de Aforro e Investimentos da Deputación (PAI).
Sete son as rúas incluídas no Campo da Agra que se van a asfaltar con aglomerado: Voluntariado, Morosa, Cantón, Rinchador, Agras, Prado e travesía do Cantón
Así mesmo, no mesmo proxecto inclúense outras dúas vías situadas nas inmediacións da entrada ao núcleo de Corrubedo: a rúa Falcato e a transversal rúa Delicias.
A empresa Canarga foi a adxudicataria do conxunto da acción, cuxo orzamento ascende a 36.100 euros, IVE incluído. O prazo de execución é dun mes e medio.
