O Concello de Ordes quere felicitar publicamente ao atleta local David Santos Domínguez polo resultado rexistrado onte na XXXVIII Carreira Pedestre Camiño de Santiago, disputada en Santiago de Compostela. David Santos, do Club Atletismo Celta, tardou tan só 38’ 45’’ en completar un percorrido de 12 quilómetros que partiu da avenida Xoán XXII e que rematou na praza do Obradoiro. Un tempo que lle supuxo ser o primeiro da súa categoría (nados entre 1992 e 1996), e o noveno na clasificación xeral. En total hai que falar de preto de 4.100 persoas inscritas na proba de adultos e máis de 1.700 na dos escolares. Un resultado que pon de manifesto o enorme potencial e capacidade deste atleta ordense, habitual xa nos podios das probas máis importantes tanto do circuíto galego como de fóra.