A orixe dos desprendementos localízase nunhas obras municipais de canalización levadas a cabo nas inmediacións do Faro de Mera.
O alcalde de Oleiros, Ángel García Seoane, parece decidido a non solucionar o problema de seguridade que supón o desprendemento de rocas no acceso e na cala de Ou Xunqueiro, próximos ao faro de Mera. A caída de cascotes foi denunciada polos veciños desde 2021 e ata o momento o alcalde limítase a sinalar a Demarcación de Costas como responsables da súa solución, mentres que desde Demarcación de Costas fan o propio co Concello.
O feito adquire maior gravidade cando os técnicos apuntan como orixe do derrube de materiais rochosos á deficiente execución dunhas obras de canalización levadas a cabo polo concello de Oleiros nas inmediacións de Ou Xunqueiro.
O PP de Oleiros levará a Pleno unha iniciativa pedindo solucións e medidas de protección e contención do terreo que garantan a seguridade para as persoas e instalacións.
En opinión do PP de Oleiros resulta difícil de comprender este desinterese do alcalde polo problema e preguntámonos se é necesario que se produza unha traxedia para que o concello tome cartas no asunto -cando xa será demasiado tarde- e deixe de mirar para outro lado.
