O Centro Cultural Lustres Rivas de Riveira vai dar cabida este domingo 25 de outubro, ás 18.30 horas, a un novo encontro dos Axóuxeres: unha actividade dirixida aos máis miúdos da casa que promovida pola Secretaría Xeral de Política Lingüística da Xunta.
Música, contos e palabras integrarán este espectáculo que forma parte da Rede de Dinamización Lingüística á que pertence o Concello de Riveira.
A entrada é de balde, pero é imprescindible reservar praza para poder acudir. Os interesados poden facelo chamando ao número 697 363 089.
