● A actuación, financiada a través do Plan Único da Deputación dá Coruña, incluíu a execución das redes de saneamento e pluviais e a posterior renovación do firme.
O Concello de Miño finalizou as obras de saneamento e pavimentación no camiño da Pedreira, na parroquia de Leiro. O proxecto está financiado a través do Plan Único da Deputación dá Coruña.
A actuación incluíu a execución da rede de saneamento e pluviais mediante a instalación de pozos de rexistro e tubaxes de PVC, que se fixo en primeiro lugar, e a posterior renovación do firme da vía, traballos que finalizaron recentemente, a expensas de executar a sinalización horizontal.
O alcalde de Miño, Manuel Vázquez Faraldo, explica que “esta é unha obra moi solicitada polos veciños desde hai anos, que vén resolver unha necesidade básica a diversas vivendas do lugar”.
