Os sendeiros do Parque das 13 Rosas-As Galeras, en Bastiagueiro, que foron inaugurados en xuño de 2020, acusan a falta de planificación na súa licitación e o concello terá que substituílos por uns novos.
A falta de control de calidade nas contratacións do concello de Oleiros reflíctese nesta ocasión nas obras do Parque das 13 Rosas-As Galeras que se realizaron en 2019, sendo inaugurado devandito parque no ano 2020.
Os carreiros foron realizados en xabre-cemento e un bordo perimetral de madeira, nunha contratación cuxo custo ascendeu a 76.000 €. A día de hoxe os carreiros presentan un estado de tal deterioración que o concello ten que substituílos.
A substitución dos carreiros actuais por uns que se adapten mellor ao seu uso vai ter un custo de preto de 300.000 €, con cargo ao Plan de Obras e Servizos da Deputación.
O PP de Oleiros pon de manifesto a deficiente contratación por parte do concello, a falta de planificación para unha correcta formulación do proxecto e unha evidente mala recepción da obra, á vista dos resultados.
