Un total de 538 persoas participarán este sábado, día 31, no evento “A Trintaeundoce”, a San Silvestre de Narón. O Concello e a Agrupación Deportiva Náutico de Narón convocaron un ano máis esta tradicional carreira navideña, cuxo prazo de inscrición rematou na xornada de onte.
O circuíto terá saída e meta na estrada de Castela, nas inmediacións da glorieta de Freixeiro, e establecéronse varias categorías, con diferentes horarios de saída. As Master (1986 e anteriores) e Senior (2006-1987), sairán en ambos casos ás 16.45 horas para percorrer un tramo de 3.112 metros; Promoción (2013-2007), con saída ás 16.30 para un tramo de 1.556 metros e Pitufos (2004 e posteriores) que sairán ás 16.20 e horas e percorrerán 300 metros.
Os dorsais para a carreira poderán recollerse o propio 31 de decembro na carpa que se instalará próxima ao punto de saída e meta, no parque de Freixeiro, e tamén previamente, dende as 16.00 horas do xoves 29 ata as 21.00 horas do venres 30 nas instalacións de Decathlon Ferrol.
Unha vez que remate a proba da categoría absoluta procederase á entrega de premios no parque de Freixeiro. Os tres primeiros clasificados de cada categoría e sexo levarán medallas e na categoría de “Pitufos” darase un agasallo a todos os participantes. Así mesmo, concederase un premio especial aos tres primeiros clasificados masculinos e femininos absolutos da proba e tamén se sortearán varios agasallos.
