A axenda do Nadal da Pobra do Caramiñal intensifícase cunha zarzuela que terá lugar no 30 de decembro. A gala lírica contará coa soprano Esperanza Mara e o barítono Gabriel Alonso.
Haberá unha única sesión ás 21.00 horas, no teatro cine Elma, e a entrada consistirá na entrega dun quilogramo de alimentos non perecedoiros.
A reserva de prazas efectuarase no enderezo electrónico concertosateneomusicaldapobra@gmail.com ou no 678895933.
Organizan conxuntamente a Concellaría da Cultura, da cal é titular a edil Patricia Lojo (PSdeG-PSOE), e a Banda de Música Ateneo Musical da Pobra do Caramiñal.
