• O Partido Popular de Arzúa responde ao descoñecemento do BNG de Arzúa sobre os orzamentos da Xunta para o concello.
Dende o Partido Popular de Arzúa comunicamos que o orzamento da Xunta de Galicia para Arzúa acada en 2023 os 1.45 millóns de euros, destinado gastos promovidos por entidades como Presidencia, Vicepresidencia, Vicepresidencia 1ª, Amtega, ou as consellerías correspondentes ás áreas de turismo, medio rural, medio ambiente, territorio, vivenda, facenda, xustiza e educación.
Segundo Rafael Rivadulla, voceiro do grupo municipal popular, “o incremento con respecto ao 2022 supón un 16.35% para Arzúa, é dicir, case o dobre que o do total da comunidade, dun 8.5%, algo que deben valorar no BNG”.
Respondemos así á recente información do BNG na que, sorprendentemente descargan da responsabilidade institucional e de competencias do equipo de goberno bipartito AxA-PSdG para executar certas actuacións e solicita que sexan asumidas pola Xunta de Galicia.
Para Rivadulla, “o primeiro interesado en solicitar orzamentos á Xunta debería ser o goberno local, pero se este non pide, malamente a Xunta vai actuar directamente en cuestións de competencia municipal”.
Dende o noso grupo municipal xa temos solicitado actuacións nas mesmas áreas que demanda o BNG de Arzúa, pero entendemos que é o alcalde e o seu equipo os primeiros que deben analizar as necesidades, xustificalas e, posteriormente, solicitar financiación segundo o tipo de actuación, da Xunta, Deputación, ou outras administracións superiores. Algo que, lamentablemente, o goberno municipal non está a facer coa intensidade que debería.
