· A actuación está financiada a través dunha subvención de 1,8 millóns de euros por parte do IDAE.
· O alcalde, Manuel Vázquez Faraldo, sinala que estas intervencións permitirán “mellorar a iluminación dás rúas e vías de todo ou municipio, ser máis respectuosos co medio ambiente e conseguir un gran aforro na factura”.
O Concello de Miño acaba de adxudicar o proxecto para renovar e xestionar a iluminación pública en todo o municipio por 3.070.516,23 euros. Trátase dunha actuación financiada a través dunha subvención de 1,8 millóns de euros do Instituto para a Diversificación e o Aforro de Enerxía (IDAE), a través do Fondo Europeo de Desenvolvemento Rexional (FEDER). Estas obras permitirán renovar completamente toda a iluminación do municipio, un total de 4.534 puntos de luz, unha aposta clara do goberno local polo aforro enerxético e pola diminución da contaminación lumínica.
O proxecto inclúe a substitución das actuais luminarias de vapor de sodio, halogenuro metálico ou vapor de mercurio por outras tipo LED, máis eficientes, e tamén a actualización dos 92 cadros de mando existentes para adaptalos á normativa vixente, reducíndose a potencia de 2.840.384,104 kW a 812.245 kW e conseguindo un aforro enerxético do 63%.
O alcalde de Miño, Manuel Vázquez Faraldo, incidiu en que este “é ou proxecto con maior investimento do mandato”. O rexedor destacou que estas intervencións “van mellorar e modernizar a iluminación dás rúas e vías de todo ou municipio e, sobre todo, permitiranos ser máis respectuosos co medio e conseguir un gran aforro na factura, podendo así destinar eses cartos a outro tipo de actuacións para vos veciños e veciñas de Miño”.
