A xornada está dirixida a persoas coidadoras
O Concello de Cabanas acolleu esta mañá a xornada “Coidar sen descoidarse”, organizada pola área de igualdade en colaboración coa Fundación Mujeres.
A actividade serviu para que as participantes puidesen abordar cuestións como a feminización do coidado, a socialización diferencial ou as consecuencias de coidar a nivel económico, social e de saúde física e emocional.
Da man do autocoidado, púxose o foco na importancia de aprender a escoitar ao propio corpo e mente para saber cando se necesita un descanso, e da necesidade da corresponsabilidade familiar e social para aumentar o benestar da persoa coidada, da coidadora e o seu entorno.
