‘H2… OH!’ de TEATRO GHAZAFELHOS (ESTREA EN CARIÑO)
Domingo 13 de novembro, ás 18 horas, no Auditorio Municipal. Entrada gratuíta.
Espectáculo patrocinado pola Rede Cultural da Deputación da Coruña.
Teatro | Público infantil e familiar (+6) | 50 min
FICHA ARTÍSTICA:
Dirección e adaptación: Pepablo Patiño
Guión: María Canosa
Intérpretes: Pepablo Patiño, Móntse Piñón e María Canosa
Escenografía: Teatro Ghazafelhos
Vestiario e maquillaxe: Montse Piñón
SINOPSE:
H2..OH! É unha peza teatral baseada no libro do mesmo título de María Canosa.
Unha divulgadora científica e dous doutores de ciencias mundialmente coñecidos, Montsilia Brasilisca e Pepablov Pasparof, son os protagonistas desta historia.
H2…OH! Achéganos ás curiosidades científicas que experimentamos no noso día a día… Sabías que os cascos protectores inventáronos os paxaros? Ou por que hai espellismos? A que non te decataras de que hai animais que nunca beben auga? Ou porque o número Pi é infinito e non remata nunca? Estas son algunhas das curiosidades ás que daremos resposta! A loucura destes científicos e a extravagancia dos seus experimentos farán que o publico teña unha experiencia inesquecible.
