A inscrición, que é gratuíta, está aberta para todos os públicos.
A Coordinadora para o Estudo dos Mamíferos Mariños (CEMMA), coa colaboración do Concello da Laracha e da Deputación da Coruña, ofrecerá este sábado a partir das 11:00 horas na praia de Caión unha actividade consistente nun simulacro de rescate de tartarugas e mamíferos mariños.
Persoal especializado da citada ONG impartirá este obradoiro coa finalidade de informar aos asistentes sobre o que deben facer no caso de atopar un animal desas características no areal para ofrecerlle os primeiros auxilios e a asistencia oportuna para aumentar as súas posibilidades de supervivencia.
A iniciativa vai dirixida a persoas de todas as idades e é apta para o público familiar. A inscrición xa está aberta, é gratuíta e debe formalizarse enviando un correo electrónico cos datos dos participantes a cemmasolicitud@gmail.com.
Ademais de realizar o obradoiro, a CEMMA tamén cederá equipamento á Agrupación de Voluntarios de Protección Civil para facilitar a intervención ante rescates dese tipo.
