O curso, baseado na gastronomía galega, pretende dar a coñecer os produtos de tempada, por en valor a cociña tradicional galega e ter opcións culinarias propias coa fin de ter recursos para loitar contra o obesidade e eliminar da dieta as prácticas nocivas da comida rápida.
O mércores, 2 de novembro, despois das festas do Samaín, a concellería de Promoción da Saúde, que dirixe Breogán Blanco, oferta un novo curso de Alimentación Saudable baseado na gastronomía galega e onde os participantes coñecerán os produtos de tempada, os valores culinarios propiamente galegos, e uns fundamentos básicos para cociñar dun xeito saudable, con produtos tipicamente galegos e de proximidade.
O curso desenvolverase nos locais da Asociación de Veciños Armental de Carnoedo todos os martes en dúas quendas: de 16h a 17:30h da tarde, e de, 17:30h a 19h do serán.
Ofértanse un total de 30 prazas, o prazo de inscrición xa está aberto e pódese facer tanto no rexistro municipal coma na propia Asociación de Veciños Armental.
