Bótase en falta un maior coñecemento da ministra sobre a infraestrutura viaria metropolitana.
A enorme lentitude e a ineficacia do estado á hora de planificar as obras viarias necesarias na área metropolitana coruñesa contrasta coas recentes palabras da ministra Raquel Sánchez, que ofrece receitas case máxicas para o futuro inmediato.
Por exemplo, para ampliar a avenida de Alfonso Molina di que poderá estar contratada o primeiro semestre de 2023, pero todo o mundo sabe que ao non estar o proxecto aprobado, a dinámica burocrática non permitirá cumprir esas datas.
En relación a ponte da Pasaxe, nin o cita. Xa se sabe que ata rematar as obras do cruce do Sol y Mar, en Perillo, non poderán comezar as obras do viaduto, pero si poderían ir redactando o proxecto para que unha vez que esas obras rematen, se puidera comezar con tan necesaria ampliación.
As ministras deben viaxar ao longo do territorio cun coñecemento máis exhaustivo da realidade e sobre todo vir co cartafol cheo de xestións realistas para que a cidadanía perciba que o seu traballo é eficaz, pero non foi este o caso.
