• A actuación, financiada a través do Plan Único da Deputación dá Coruña, inclúe a execución das redes de saneamento e pluviais e a posterior renovación do firme.
O Concello de Miño está a levar a cabo as obras de saneamento e pavimentación no camiño da Pedreira, na parroquia de Leiro. O proxecto está financiado a través do Plan Único da Deputación dá Coruña.
A actuación inclúe a execución da rede de saneamento e pluviais mediante a instalación de pozos de rexistro e tubaxes de PVC, que xa finalizou, e a posterior renovación do firme da vía, traballos que se están realizando actualmente.
O alcalde de Miño, Manuel Vázquez Faraldo, explica que “esta é unha obra moi solicitada polos veciños desde hai anos, que vén resolver unha necesidade básica a diversas vivendas do lugar”.
