O vindeiro sábado día 3 de setembro o Concello de Oleiros organiza unha nova edición da Foliada Tradicional, unha xornada lúdica e de encontro na que participarán as diferentes agrupacións folclóricas de Oleiros. O obxectivo principal é fomentar o espírito de convivencia e compartir experiencias, inquedanzas e novos proxectos nunha xornada de festa nun ambiente distendido.
A festa comezará ás 13:00 horas, nas Torres de Santa Cruz, e haberá diferentes actividades dirixidas a toda a familia. Todas as persoas que o desexen poderán unirse libremente a bailar e a cantar cos grupos ata a queimada popular, que porá fin á troula.
