• Hoxe aprobouse en pleno a proposta que permitirá modificar as normas municipais e acollerse á orde autonómica pola que a escola será gratuíta.
• Na sesión plenaria decretáronse os festivos locais para o ano 2023: 21 de febreiro e 29 de xuño.
O Concello de Miño aprobou hoxe, venres 19 de agosto, en pleno, a proposta de modificación da ordenanza fiscal número 22, que se regula a taxa da escola infantil ‘A Ceboliña’, para aplicar a gratuidade total neste servizo.
Así, o Concello acóllese á orde autonómica pola que se estende a gratuidade, que ata o de agora só beneficiaba aos segundos fillos e sucesivos, a todos os descendentes, pasando a ser un servizo totalmente gratuíto para as familias.
Ademais, non será necesario facer ningún tipo de papelada engadida xa que todas as xestións realízanse entre a Xunta de Galicia e a propia escola.
Doutra banda, na sesión plenaria decretáronse os festivos locais para o ano 2023: 21 de febreiro, martes de Entroido, e 29 de xuño, festa de San Pedro.
