Os postos deberán situarse ao longo do Paseo Marítimo de Cabanas
O Concello de Cabanas anuncia a celebración do mercado de segunda man, que terá lugar na fin de semana do 13 e 14 de agosto ao longo do Paseo da Madalena.
As persoas interesadas en participar poderán instalar os seus postos directamente, sen necesidade de inscrición previa nin reserva de espazo, cumprindo a normativa municipal, que establece, entre outras, a necesidade de respectar os accesos ao Piñeiral e outros elementos do mobiliario urbano como bancos ou papeleiras, así como a prohibición expresa de estacionar vehículos sobre o Paseo Marítimo.
En canto a horarios, permítese a montaxe dos postos entre as 08.00 e as 11.00 horas, e a desmontaxe a partir das 20.00 horas.
