– Para os populares, a falta de dilixencia do goberno local é o único motivo que impediu licitar a tempo o contrato de xestión da instalación, cuxa apertura estaba prevista nos pregos para o 18 de xuño, e que provocou a desafortunada consecuencia de que os usuarios non puideron gozar do recinto ata o 15 de xullo nun dos veráns máis calorosos das últimas décadas.
– Reclamarán ao goberno local que abandone o recorrente discurso baseado na escusa fácil do “non deu tempo“, asuma as súas responsabilidades e proceda ao xusto resarcimiento do dano provocado pola súa falta de rigorosidade e atención debida na xestión de servizos básicos altamente demandados.
Confirmado o feito de que a dilatada demora na apertura da piscina municipal de Cecebre non foi motivada por causa algunha de forza maior, senón por unha clara falta de dilixencia e rigor dos dirixentes de UxC- PSOE na tramitación e seguimento da licitación do contrato, os populares de Cambre consideran que estamos #ante unha absoluta “neglixencia política” e esixirán, en consecuencia, as debidas compensacións ao goberno local polos graves trastornos provocados aos usuarios afectados, a quen se lles impediu gozar ata o mesmo día de hoxe dunha instalación de recreo básica en período estival.
Propoñen que tales compensacións materialícense en beneficios ao usuario tales como bonificacións nos abonos, programación de cursos de natación matinais gratuítos que cooperen á conciliación ou, mesmo, o estudo da posibilidade de ampliar os horarios de apertura do recinto.
Inciden na circunstancia de que nos propios pregos de contratación estaba prevista a apertura da instalación de recreo e baño para o día 18 de xuño, polo que a demora de case un mes na prestación do servizo é do todo inxustificable e o reflexo da inoperatividad dun goberno “desgastado e apático”, para o que a atención das verdadeiras necesidades veciñais vén situándose nun segundo plano.
Lembran que a piscina do Amorne deixou de estar operativa e que as incidencias relacionadas cos mantementos e xestión das piscinas públicas foi unha constante no municipio, polo que é absolutamente esixible aos concelleiros responsables un “plus” de coidado e previsión a fin de evitar situacións análogas.
“ Resulta inescusable e esperpéntico que a licitación dun contrato intrinsecamente vinculado ao verán, non se cumpra precisamente no verán. O abandono de funcións do goberno local ao redor da piscina de Cecebre é indiscutible e manifesto, polo que agora non vale pretexto algún “
