• O Concello publicou as diferentes alternativas propostas para a época estival: campamentos urbanos, surf e kaiak.
• O período de inscrición para cada unha das actividades xa está aberto.
O Concello de Ortigueira publicou a súa proposta de actividades para este verán, que se centran na aposta pola conciliación da vida laboral e familiar e os deportes náuticos, tan demandados no municipio.
Por unha banda, os nenos e nenas de entre 4 e 14 anos empadroados en Ortigueira poderán participar nos campamentos urbanos ‘Lecer verán 2022’, nos que, durante os meses de xuño, xullo e agosto, faranse excursións, xogos ao aire libre e acuáticos, deportes, talleres e moito máis. O horario para esta actividade é de 9:30 a 44 horas e inclúen a posibilidade de solicitar almorzo, que levará a cabo de 8 a 9:30 horas. As inscricións poden formalizarse ata o 23 de xuño e articúlanse por semanas, pechándose sempre o mércores anterior.
Doutra banda, o Concello organizou un curso de iniciación ao surf que está dirixido tanto a adultos como a menores de idade e que levará a cabo na praia de San Antonio (Espasante). No caso dos adultos hai 6 prazas dispoñibles e levará a cabo durante as fins de semana. Para os menores de idade (de 10 a 17 anos) hai 30 prazas dispoñibles divididas en dous cursos: un do 27 de xuño ao 1 de xullo e outro do 4 ao 8 de xullo.
Por último, executarase un curso de iniciación ao kaiak dirixido a persoas maiores de 10 anos. Hai 20 prazas dispoñibles e haberá dúas quendas: do 27 de xuño ao 1 de xullo e do 4 ao 8 de xullo. As inscricións estarán abertas ata o 23 de xuño para o curso do 27 de xuño e ata o 30 de xuño para o curso do 4 de xullo.
As inscricións para estas dúas opcións de deportes náuticos realízanse na piscina municipal (teléfono 981 422 026) en horario de 10 a 12 horas.
