• Os traballos incluíron a renovación das cubertas, que estaban en mal estado e provocaban filtracións, e a substitución de placas turcas por váteres.
• O orzamento destinado para tal fin rolda os 30.000 euros.
O Concello de Miño continúa preparándose para afrontar a tempada de verán cos mellores servizos. Agora acaba de finalizar os traballos de reforma dos dous baños cos que conta a Praia Grande, unha actuación que contou cun orzamento de preto de 30.000 euros.
As obras nos baños, nos que non se fixo ningún tipo de mantemento desde a súa construción, incluíron a renovación das cubertas, que estaban en mal estado e provocaban filtracións ao interior, o pintado das paredes e a substitución por váteres das placas turcas que había nos aseos que están máis pegados á ría.
O alcalde de Miño, Manuel Vázquez Faraldo, destaca que “esta actuación permitirá darlle unha nova imaxe e unha mellor funcionalidade a estas dúas edificacións, contribuíndo así a mellorar vos servizos que ofrecemos tanto para vos nosos veciños e veciñas como para as persoas que nos visitarán durante ou verán”.
