Na súa intervención ante os alumnos e os seus familiares, sostivo que non se habia vacinado e que sen estudar tamén se pode chegar lonxe na vida.
Durante o acto de gradación dos alumnos de bacharelato do Instituto María Casares, que tivo lugar o pasado venres día 20 de Maio ás 19:30, no Auditorio García Márquez de Mera, produciuse a intervención do Alcalde de Oleiros que deixou a moitos dos asistentes molestos e a todos sorprendidos.
Ante unha ilusionada e nutrida concorrencia García Seoane tivo a ben alardear de prescindir das vacinas que as autoridades sanitarias recomendaron á totalidade da poboación como única e máis eficaz fórmula para conter unha pandemia que produciu miles de mortes e que, a día de hoxe, ségueas orixinando, aínda que en moita menor medida.
O Partido Popular quere lembrar que en máis dunha ocasión denunciou que García Seoane, non só non observaba as medidas sanitarias preventivas, senón que tamén se abstivo de manter as restricións de contacto e sociais que impoñían.
” Tivemos que denuncialo á policía municipal para que usase a máscara nos plenos, así como chamar a atención sobre a imprudencia na utilización da piscina municipal de Dorneda á que acudía sen estar vacinado, para que deixase de facelo”
O Partido Popular quere lembrar que García Seoane, desde o primeiro momento, atribúo a orixe da pandemia a unha sorte de conspiración internacional detrás da que había escuros intereses políticos e económicos.
Pero as sorpresas non terminaron aí, pois trasladou á comunidade educativa e aos alumnos do centro, que se podería “triunfar na vida” sen ter estudos, poñéndose o de exemplo e contando algunha anécdota persoal.
O Partido Popular de Oleiros está seguro de que delirios desta natureza non pasan de compadecer a quen os sofre.
