‘Os comediantes’ do Centro Social de Touro, grupo de teatro integrado por un grupo de maiores de diferentes parroquias do Concello de Touro, presentaron onte domingo á tarde, 22 de maio de 2022, a función ‘O testamento do tío Nacho’. Numeroso público acudiu ata a Casa da Cultura de Touro para asistir á estrea teatral, que colleitou o incondicional aplauso dos asistentes. Os veteranos actores e actrices afeccionados agradeceron o apoio do público do Concello de Touro.
