– As agrupacións locais do PP de Oleiros, Culleredo, Cambre, Carral, Sada, Bergondo e Miño presentarán Mocións nos seus respectivos Concellos #a fin de que os Alcaldes vinculados á iniciática proposta dun Consorcio de Transporte Público Metropolitano concreten o seu modelo #ante os cidadáns, así como a súa repercusión nas economías familiares.
– Alertan os Populares que a creación dun ente paralelo baleiro de contido pode carrexar elevados custos adicionais, sen descartar a posibilidade de poñer en risco a continuidade da “ Tarxeta Xente Nova” e a “Metropolitana”. Apuntan que non existirá mellora algunha nos servizos de transporte público, senón un notable incremento das tarifas, no que, a xuízo dos Populares, supón unha irreflexiva anulación da maior aposta realizada en Galicia polo transporte público.
Os sete grupos municipais de Oleiros, Culleredo, Cambre, Carral, Sada, Bergondo e Miño dubidan da viabilidade e eficiencia da creación dun Consorcio de Transporte Público para a comarca coruñesa paralelo ao Plan de Transporte Metropolitano da Xunta de Galicia e que varios Alcaldes da comarca da Coruña pretenden poñer en marcha, polo que exhortarán aos rexedores adheridos para que expoñan, enumeren e desenvolvan claramente todos e cada un dos puntos en que consiste a proposta, os estudos no que se basea, así como as vantaxes sociais, económicas e de mobilidade que lle presupoñen ao novo modelo.
Consideran as respectivas formacións populares que, nun diferente contexto, as tarifas que abonan os usuarios veranse incrementadas en polo menos un 4%, sen que exista ou se achegue certeza algunha de que este eventual incremento tradúzase nunha mellora do servizo de autobús.
Apuntan que o PTM de Galicia é un plan totalmente novo e ambicioso que non ten precedentes en canto ao seu deseño e beneficios sociais , integra os servizos de transporte urbano e interurbano que son coordinados por unha Comisión de Seguimento e unha nova plataforma tecnolóxica, que permite, por exemplo, que os autobuses interurbanos cheguen ao centro da Coruña, polo que, insisten “A duplicidade dos mesmos móstrase absolutamente disparatada por custosa e indeterminada desde calquera punto de vista”
Doutra banda, critican que os Alcaldes propoñentes non reparen sequera no feito evidente de que, como tales, han de asumir a obrigación de presentar aos seus veciños propostas firmes e tecnicamente desenvolvidas e non “folios en branco “, #a fin de que aqueles poidan formarse unha opinión favorable ou non das mesmas: “ Definir unha estrutura e outorgarlle unha presunción de eficacia descoñecéndose os servizos, medios e recursos que han de incorporarse á mesma é canto menos aventurado e irresponsable. Se se cuestiona un Plan que funciona con éxito debe achegarse un contido alternativo irrebatible” – Conclúen.
