• O goberno local trasladou un escrito ao organismo autonómico demandando que se habilite de novo esta entrada, que permanece pechada desde o inicio da pandemia en 2020
• O alcalde, Manuel Vázquez Faraldo reivindica que “esta porta resulta de vital utilidade para persoas con limitacións de movemento e para usuarias en xeral”
O Concello de Miño reclama ao Sergas a reapertura da entrada ao centro de saúde desde a rúa Carreira, que permanece pechada desde os primeiros compases da pandemia no ano 2020.
O goberno local enviou un escrito ao organismo autonómico, responsable das instalacións, no que solicita que se habilite novamente este acceso. Trátase dun paso perfectamente acondicionado para persoas con mobilidade reducida, e que melloraría as condicións de accesibilidade ao inmoble.
O documento subliña a importancia de reabrir un acceso situado na zona que ofrece máis facilidades para o estacionamento de vehículos, incluíndo un aparcamento subterráneo que permite a entrada directa ao centro. En contraste coa porta situada na rúa dá Galea, a única habilitada na actualidade, que dispón dunhas condicións de paso extremadamente dificultosas. Ademais trátase dunha rúa con moito tráfico e en pendente con poucas prazas de aparcamento.
O alcalde de Miño, Manuel Vázquez Faraldo, explicou que esta solicitude chega ‘’a raíz dá mellora na situación sanitaria con respecto ao inicio dá pandemia’’. ‘’Esta porta resulta de vital utilidade para persoas con limitacións de movemento, polo que seguiremos a traballar para recuperar este servizo para a veciñanza”, engadiu.
