· O alcalde, Javier Gestal, sinala que o inicio destas actuacións “ suporá unha importante mellora nas condicións de seguridade e accesibilidade nesta zona, moi concorrida ao longo de todo ou día”.
O Concello iniciou, esta mesma mañá, o proceso de demolición do antigo Bar Primavera. O arranque destas intervencións busca cumprir varios obxectivos: por unha banda, a mellora da seguridade viaria no núcleo urbano e, polo outro, a creación dun novo espazo público para uso e goce dos veciños e veciñas.
O alcalde, Javier Gestal, sinala que o inicio destas actuacións “ suporá unha importante mellora nas condicións de seguridade e accesibilidade nesta zona, moi concorrida ao longo de todo ou día”. Precisamente, a derriba desta construción resolverá a situación de estreitamento existente neste punto na actualidade.
O proxecto incluirá, non só a demolición do propio edificio, senón tamén a ampliación das beirarrúas e a creación dunha nova zona axardinada. Desta forma, ao reforzo da seguridade viaria hai que sumar, ademais, a disposición dun novo espazo de lecer para a cidadanía.
