• O director das obras presentou no Concello a acta de cesamento dos traballos tras a incomparecencia dos traballadores nos últimos días por diversos problemas alleos ao proxecto.
• Os técnicos municipais están a estudar agora a fórmula máis adecuada para poder finalizar a obra canto antes.
As obras de reforma do Club Náutico, que comezaron a finais do 2021, están agora paralizadas pola situación da empresa contratista, que presentou no Concello de Miño, a través do director de obra, a acta de cesamento dos traballos tras a incomparecencia dos traballadores nos últimos días por diversos problemas alleos ao proxecto.
Os técnicos municipais están a estudar agora a fórmula máis adecuada para poder finalizar a obra canto antes. Para iso será necesario coordinar as actuacións coa Secretaría Xeral para ou Deporte, que cofinancia a actuación. Ata o de agora, a empresa contratista realizaría a parte máis complexa dos traballos ao ter xa finalizadas as actuacións de tipo estrutural.
O proxecto inclúe a demolición da parte alta do edificio de almacén e a ampliación da área que funciona como ximnasio. A redistribución dos espazos interiores co obxectivo de aproveitar ao máximo a súa utilidade e construír novos vestiarios e aseos. Ademais, contémplase a creación dun anexo que servirá de unión entre os xa existentes e cuxa función será de carga e descarga.
