• A actuación, financiada a través do Plan Único da Deputación, inclúe a instalación de tres tubaxes, un pozo de rexistro e un grupo de bombeo.
• O prazo para presentar ofertas finaliza o 10 de xaneiro.
O Concello de Miño sacou a licitación un proxecto valorado en 137.882,49 euros para executar a instalación dun colector xeral de rede de sumidoiros no lugar da Prata, na parroquia de Miño. Unha actuación que se financia a través do Plan Único da Deputación dá Coruña e que permitirá dotar de saneamento a esta zona.
Os traballos inclúen a instalación de tres tubaxes, unha de PVC de 250 milímetros de diámetro para saneamento e pluviais, outra de PVC de 315 milímetros de diámetro para saneamento e, a última, de PEBD para impulsión de 110 milímetros de diámetro. Ademais, instalaranse pozos de rexistro e un grupo de bombeo formado por dúas bombas sumergibles.
O prazo para presentar ofertas no perfil do contratante municipal finaliza o 10 de xaneiro e o tempo estimado de execución dos traballos desde o seu inicio é de catro meses.
