O CIM da Mancomunidade de Ordes continúa o seu percorrido polas aulas dos CEIP da comarca impartindo o seu programa ‘Educando en Igualdade’. Nesta ocasión foi o alumnado do centro de Sigüeiro o que traballou conxuntamente coa axente de igualdade con actividades, debates e encontros cuxo obxectivo principal foi o fomento das relacións desde unha perspectiva coeducativa. Con iso preténdense superar os estereotipos sexistas, potenciar as relacións igualitarias e previr a violencia de xénero.
