· Un total de 96 rapaces e rapazas forman a escola, que conta con categorías de biberón, prebenxamín, benxamín, alevín e infantil.
A ‘Escola de Fútbol Concello de Camariñas-Juan Cabrejo’ xa é unha realidade. Os 96 rapaces e rapazas que a forman levan adestrando desde o mes de setembro pero agora, antes do inicio das competicións oficiais, viviron a súa presentación en sociedade.
A alcaldesa, Sandra Insua, e o concelleiro de Deportes Fabián Canosa, asistiron xunto co coordinador desta escola, Juan Cabrejo, e os seus adestradores, Juan Porrúa, Carlos González, Pepucho e Iván Pose, ao acto de presentación oficial da escola.
Conta con cinco categorías: biberón, prebenxamín, benxamín, alevín e infantil. Desde o mes de setembro están adestrando e xogando partidos amigables e este mes de novembro comezarán a competición oficial da Federación Galega de Fútbol.
