· Hoxe instaláronse os paneis nos que se poden ver imaxes, recortes de prensa e outro tipo de documentación sobre os naufraxios acontecidos na costa camariñana.
Hoxe, mércores 10 de novembro, inaugurouse no paseo marítimo de unha exposición ao aire libre sobre os naufraxios acontecidos na costa camariñana titulada ‘Camariñas, caderno de mar e naufraxios’, que está organizada polo Concello, coa colaboración da Deputación da Coruña.
Nos paneis pódense ver imaxes, recortes de prensa e outro tipo de documentación sobre os naufraxios como o do ‘City of Amiens’, o do ‘Yeoman’, o do ‘Nil’, o ‘Banora’, o ‘Isabelita’, o ‘Serpent’ ou o afogamento dun matrimonio de pescadores e incluso as novas da época sobre a inauguración do faro Vilán.
