O curso ‘Cociña nas parroquias’ organizado polo Concello de Ordes deu comezo recentemente contando cun amplo respaldo por parte dos residentes da zona rural do municipio. Os primeiros en poñer o mandil foron os inscritos procedentes da parroquia de Ardemil, que durante varias xornadas converteron o seu local social nunha auténtica cociña. Durante as vindeiras semanas preto dun centenar de persoas asistirán ás clases impartidas polo cociñeiro local Manuel Iglesias Vieites.
