• Manuel Vázquez Faraldo reuniuse coa subdelegada do Goberno, María Rivas, e o coronel da Garda Civil, Francisco Javier Jambrina, para abordar o asunto.
• Tanto o rexedor como a subdelegada fan unha chamada á colaboración cidadá para alertar ás forzas e corpos de seguridade do Estado #ante calquera actitude sospeitosa.
O alcalde de Miño, Manuel Vázquez Faraldo, reuniuse coa subdelegada do Goberno na Coruña, María Rivas, e o coronel da Comandacia da Garda Civil na Coruña, Francisco Javier Jambrina, co obxectivo de sumar forzas entre todas as institucións para poñer fin, dunha vez por todas, á problemática de roubos masivos de cable eléctrico no municipio.
A subdelegada explicoulle ao rexedor que as forzas de seguridade están a traballar sen descanso “ coa confianza de acadar unha pronta solución” e explicoulle as liñas de investigación actuais. Tanto Faraldo como Rivas fixeron unha chamada á colaboración cidadá para alertar ás forzas e corpos de seguridade do Estado #ante calquera actitude sospeitosa ou calquera persoa que actúe sobre cables da iluminación.
Danos que superan os 80.000 euros
Desde hai varias semanas, o Concello de Miño solicita a colaboración de veciños e corpos de seguridade para tentar poñer fin ao roubo masivo de cable eléctrico no termo municipal. Os continuos ataques rexistrados superan os 80.000 euros en danos.
A pesar de efectuar reparacións en diversos puntos afectados, non se pode asegurar que non se realicen novos saboteos. Actualmente, varias zonas do municipio como Costa Miño contan con espazos “total ou parcialmente sumidos na escuridade”, segundo explica o alcalde, Manuel Vázquez Faraldo.
“Estamos a falar de moitas molestias a gran número de veciños e veciñas e dun custo elevadísimo para as arcas municipais que ademais non asegura a resolución do problema. Non podemos agardar a que vos roubos paren sós; debemos actuar de xeito conxunto para poñerlles fin”, insistía o rexedor.
Trátase dunha problemática que se ve agravada coa redución de horas de luz solar, que supoñen “de xeito inevitable un incremento na sensación de inseguridade dúas peóns á hora de circular polas zonas afectadas”.
Co obxectivo de poder previr estes ataques e deter ás persoas responsables, desde o Concello lémbrase a importancia da colaboración de veciños e veciñas cos distintos corpos de seguridade. Á hora de observar calquera movemento sospeitoso na contorna de farois e cadros eléctricos recoméndase trasladar o correspondente aviso á Garda Civil no teléfono 062 e/ou á policía local ao teléfono 600 416 115.
