Un total de 36 asociacións beneficiaranse das axudas promovidas pola concellería de Igualdade, Benestar Social e Participación
O Concello da Coruña ven de facer pública a resolución provisional de axudas públicas ás entidades de iniciativa social sen ánimo de lucro da cidade. O obxectivo destas achegas é o desenvolvemento de actividades e proxectos de interese social durante o 2021.
A Concellería de Igualdade, Benestar Social e Participación que dirixe Yoya Neira aportará 100.000 euros a asociacións de diferentes ámbitos. A finalidade destas subvencións é a cooperación municipal en actividades ou proxectos de promoción e reinserción social, a prestación de servicios sociais e, en xeral, accións que persigan un interese social.
Un total de 36 asociacións da cidade recibirán achegas municipais a través destas axudas. As entidades teñen de prazo ata o 3 de novembro para aceptar ou renunciar a dita subvención. Oito das beneficiarias obtiveron a cantidade total solicitada: Solidariedade Internacional de Galicia, Asociación Galega de Hemofilia, Federación galega de Enfermidades raras, Fundación Ecca, Alcer Coruña, Asociación Galega de Fibrosis Quística, Asociación de persoas xordas de A Coruña e AAVV Castrillón-Soto IAR.
Algúns exemplos de proxectos presentados polas entidades son o mantemento do servicio de ropeiro en Padre Rubinos, a reinserción e o recoñecemento social a través da xardinería da Asociación Cultural Zalaeta ou a estimulación cognitiva e psicomotricidade en persoas con Alzheimer de AFACO.
