Nenos e nenas do colexio Viaño Pequeno traballan en prol da igualdade coa Mancomunidade de Ordes

O CIM da Mancomunidade de Ordes comezou a impartir esta semana o programa ‘Educando en igualdade’ na comunidade escolar da comarca. O obxectivo principal é que se traballe e se fomenten as relacións desde unha perspectiva coeducativa para superar os estereotipos sexistas, potenciar as relacións igualitarias e previr a violencia de xénero. Alumnos e alumnas de 4º, 6º e 8º de primaria do colexio Viaño Pequeno, no concello de Trazo, aplicaron a metodoloxía impartida pola axente de igualdade da Mancomunidade na súa visita ao centro escolar.