● As solicitudes poden realizarse a través da sede electrónica do Concello ou por vía telefónica a través do 981 422 026 en horario de 9:00 a 13:00 horas e de 16:00 a 22:00 horas.
O Concello de Ortigueira acaba de abrir o prazo de preinscrición para as actividades deportivas e de dinamización de fronte ao curso 2021/22. A programación inclúe aulas para todas as idades e sesións de ximnasia nos diferentes centros sociais do municipio.
Segundo explicou o concelleiro de Deportes, Anxo Lozano, o obxectivo é “que ou maior número de veciñas e veciños poidan gozar dunha oferta deportiva de calidade e que un ano máis segue achegando alternativas de lecer a todas as parroquias de Ortigueira”.
Desta maneira, entre as actividades que ofrece o Concello pódese acceder a clases de natación de iniciación e de perfeccionamento para todos os niveis. As sesións para menores de idade impartiranse de luns a sábado en horario de tarde, mentres que os de adultos serán de mañá e tarde de luns a sábado.
Tamén se pode optar a aulas de pádel de luns a venres en horario de 16:00 a 18:00 horas e de tenis os martes de 17:00 a 20:00 horas, ambos os deportes dirixidos a nenas e nenos de entre 8 a 17 anos.
En canto ás clases de ximnasia xeral e rítmica impartiranse os mércores de 16:00 a 18:00 horas, mentres que as de patinaxe serán os venres desde as 16:00 ás 19:00 horas. Ambas as opcións estarán abertas para idades entre 4 e 17 anos.
As sesións de taichi, tenis de mesa e as andainas, dispoñibles a partir de 8 anos e para adultos, realizaranse os martes (horario de tarde), os xoves (horario de tarde) e as fins de semana (en horario de mañá) respectivamente.
Pola súa banda, as clases de xadrez non terán restrición de idade e poderán ser os luns ou os sábados polas tardes. Doutra banda, para formar parte do programa de ximnasia recuperadora dirixido a persoas con necesidades especiais será necesario un informe médico. Neste caso, as citas serán polas mañás.
O plan de ximnasia de mantemento organizarase en sesións de mañá e de tarde en función das persoas participantes, que terán que ser maiores de 14 anos.
Finalmente, as actividades de dinamización e ximnasia en centros sociais das parroquias impartiranse a partir das 17:00 horas nos locais de Devesos, Ladrido, Senra, San Adrián, Ponche Mera, San Claudio, Couzadoiro, Tiroteo, Barbos, A Basteira (Espasante), Porto (Espasante), Loiba e Cuíña. Están dirixidas a calquera persoa interesada en participar e inclúen ximnasia, circuítos de animación, xogos tradicionais…
Preinscricións
A preinscrición en calquera das actividades pódese tramitar a través da sede electrónica do Concello de Ortigueira ou vía telefónica a través do 981 422 026 en horario de 9:00 a 13:00 e de 16:00 a 22:00 horas. Haberá un mínimo dunha sesión por semana e cabe a posibilidade de incrementar os días de actividades en función da demanda.
Lembramos que as prazas están limitadas e que as actividades estarán suxeitas ás restricións sanitarias vixentes co obxectivo de reducir ao máximo a posibilidade de contaxio por covid-19.
