O concelleiro de Turismo, Juan Ignacio Borrego, participou esta mañá na presentación da Raid Gallaecia-AR World Championship 2021, que comeza mañá en Monforte de Lemos e rematará o 9 de outubro na contorna da Torre de Hércules, cando chegarán os 400 deportistas participantes, procedentes de 27 países de todo o globo. O concelleiro sinalou que a proba cumpre con tres dos piares máis importantes nos que traballa o goberno de Inés Rey: a sostibilidade, o fomento da práctica deportiva e o crecemento do turismo na cidade.
