Trátase do terceiro obradoiro en menos de dous anos e un máis no campo da Atención Sociosanitaria que empregou 27 cambreses
O alcalde de Cambre, Manuel Rivas, entregou hoxe os diplomas do terceiro obradoiro de Emprego Sociosanitario xunto á delegada da Xunta, Belén do Campo, e a xefa territorial de Emprego, Ana Díaz. Rivas, desprazouse esta mesma mañá ao Centro Municipal de Formación para entregar os talleres deste terceiro obradoiro e desexar sorte aos alumnos e profesores que participaron no taller de emprego.
Gustaríame dar o parabén aos estudantes, a maioría apisoante de mulleres, e aos dous homes que traballaron no taller sociosanitario durante estes meses no centro de formación e nos centros especializados. Tamén felicitar os docentes nunha tarefa esencial para lograr unha efectividade na busca de emprego que á fin ao cabo esa o que perseguimos. Este taller permitiu por un lado dar formación a desempregados nun campo que se consolidou como unha importante saída laboral e por outro permitiu durante seis meses que estes desempregados puidesen obter un soldo como traballadoras na Atención Sociosanitaria. Dende o concello é o terceiro obradoiro que finalizamos con éxito neste sector. E é que os datos que manexamos de inserción laboral roldan entre un 60% e un 70% de acceso ao emprego, uns datos que nos reconfortan e por iso solicitamos dous novos obradoiros, un enfocado aos mozos e ás novas tecnoloxías e outro a este mesmo campo que desenvolvestes”, apuntou Rivas.
O taller empregou e formou dende agosto a 27 desempregados do municipio despois de que a Xunta lle concedese o pasado verán unha axuda de 177.668 euros. Dende o 2012. a administración autonómica subvencionou con 600.000 euros os tres obradoirosconcedidos en menos de dous anos e que posibilitaron contratar e formar a 88 desempregados no campo da atención sociosanitaria. O realmente importante, segundo Rivas, é que algúns destes alumnos xa están a traballar nas entidades onde realizaron as prácticas.
