• O Concello acaba de validar en pleno extraordinario o resultado do exercicio do 2020.
• Manuel Vázquez Faraldo destaca que “estas contas constatan a boa xestión económica e social do goberno local, que non só non reduciu, senón que aumentou vos servizos non municipio para mellorar ou benestar dá nosa veciñanza”.
O Concello de Miño acaba de aprobar no pleno extraordinario convocado para hoxe, xoves 16 de setembro, as contas xerais correspondentes ao exercicio do 2020. Desta maneira, o municipio consegue incrementar o remanente en 0,9 millóns con respecto a 2018 e 2019 e reducir a débeda en 1,6 millóns de euros con respecto a 2018.
O alcalde miñense, Manuel Vázquez Faraldo, destacou que “estas contas constatan a boa xestión económica e social do goberno local, que non só non reduciu, senón que aumentou vos servizos non municipio para mellorar ou benestar dá nosa veciñanza”. É o resultado, afirmou, de “un esforzo que xa amosa beneficios non presente económico de Miño”.
As contas do 2020 recollen un remanente líquido en tesourería para gastos xerais de case 1,3 millóns de euros, unha cifra que triplica o dos exercicios do 2018 e do 2019, que se situaba en 0,4 millóns. O Concello pecha o ano cun resultado orzamentario de 960.011,82 euros.
Situación da débeda
En canto á débeda, o montante pasa dos 22,1 millóns do 2018 aos 20,5 do 2020. Cabe destacar, ademais, que o Concello de Miño conseguiu nas últimas semanas ampliar o prazo total da débeda municipal co Estado ata o ano 2043.
Antes do acordo co Ministerio de Facenda, Miño contaba con dous préstamos para facer fronte ao proceso de urbanización de Fadesa en Costa Miño; o período de amortización do principal, de 12 millóns, finalizaba en 2038; o segundo, de 7 millóns, terminaba en 2030.
Agora os créditos pasan a agruparse nun só, incrementando o prazo de pago en 5 e 13 anos respectivamente. Ademais, establécese un período de carencia de 2 anos, polo que non terá que comezar o pago ata 2023. O Concello de Miño reduce así de 1,6 millóns de euros a 0,9 millóns o desembolso anual en amortización.
