― A petición xa foi rexistrada na Cámara galega e o propio vicepresidente primeiro e conselleiro de Presidencia, Turismo e Xustiza, Alfonso Rueda comunicoullo persoalmente ao presidente do Parlamento, Miguel Ángel Santalices
― A sesión, como vén sendo habitual, tería como punto único na orde do día a comparecencia do presidente da Xunta, Alberto Núñez Feijóo, para informar e debater respecto da situación política en Galicia
O vicepresidente primeiro e conselleiro de Presidencia, Turismo e Xustiza, Alfonso Rueda, vén de solicitar ao Parlamento galego, en nome da Xunta de Galicia, que a celebración do debate de política xeral teña lugar nunha sesión plenaria o vindeiro mes de outubro.
A petición xa foi rexistrada na Cámara galega e o propio vicepresidente primeiro comunicoullo persoalmente o presidente do Parlamento, Miguel Ángel Santalices. A sesión, como vén sendo habitual, tería como punto único na orde do día a comparecencia do presidente da Xunta, Alberto Núñez Feijóo, para informar e debater respecto da situación política da Comunidade Autónoma de Galicia.
A Xunta cumpre así co establecido na Lei 1/1983, do 22 de febreiro, reguladora da Xunta e da súa Presidencia, onde no artigo 48 se establece que o Goberno galego solicitará anualmente ao Parlamento a celebración dun debate de política xeral, ao comezo dun dos períodos ordinarios de sesións.
