● A mellora na rede permite un abastecemento con maior presión para garantir un servizo adecuado en todas as vivendas da zona.
O Concello de Miño deu luz verde á posta en funcionamento do novo sistema de bombeo de auga potable para o núcleo de Barbeita, na parroquia de Callobre. O servizo, activo desde o pasado xoves 29 de xullo, conta agora cunha presión de abastecemento suficiente para garantir un servizo adecuado en todas as vivendas da zona.
Tras meses de espera pola autorización de Naturgy para a conexión á rede eléctrica, o Concello puido por fin poñer en funcionamento a moi demandada infraestrutura.
A ausencia dun grupo de bombeo en rede de abastecemento da zona provocaba que as 15 familias que residen en Barbeito contasen cunha presión de auga moi baixa. Esta situación derivaba no mal funcionamento de quentadores de gas.
Logo das comprobacións previas e as reparacións na rede local realizadas por parte do servizo de augas municipal, procedeuse ao comezo do servizo.
Desde o goberno local destacaron “a importancia dá posta en marcha do grupo de bombeo para dar un servizo de calidade para a veciñanza de Barbeito, que ata ou momento tinga dificultades mesmo para as tarefas do día a día”.
Neste sentido, engadiron que “por fin se logra dar resposta ás súas demandas nunha intervención que segue a mellorar a infraestrutura de abastecemento en todo ou municipio”.
