Negreira subliña o esforzo realizado por xerar cultura picassiana e recuperar A Coruña como o “vértice perdido” na vida do artista
O alcalde da Coruña, Carlos Negreira, presentou esta mañá a exposición El primeiro Picasso. A Coruña 2015, que será inaugurada mañá, xoves 19 de febreiro, polos Reis de España e que poderá ser visitada polo público a partir do venres no Museo de Belas Artes. O rexedor destacou que esta mostra supón “internacionalizar” a cidade dentro do ámbito cultural -e da comunidade picassiana en particular- e permite “culminar o sono de fusionar a figura do artista con
A Coruña”.
“Vivimos días positivos para a cidade porque se afianza o sono de recuperar o vértice perdido do triángulo que A Coruña conforma con Málaga e Barcelona e o eixe con París. Tiñamos unha débeda coa comunidade picassiana”, destacou o alcalde na presentación da exposición El primeiro Picasso. A Coruña 2015, un acto ao que tamén asistiron, entre outras autoridades e personalidades, oconselleiro de Cultura e Educación, Román Rodríguez, na súa primeira visita oficial á cidade; a directora do Museo de Belas Artes da Coruña, Anxos Penas; e a comisaria da mostra, Malén Gual.
Negreira afirmou que a exposición supón dar un paso definitivo para “internacionalizar” a cidade e “fusionar a figura de Picasso coaCoruña”. “Este sono de recuperar o vértice perdido culmina con esta exposición. Fixemos un esforzo por xerar cultura picassianacoruñesa. Agora xa non haberá pasos atrás. Configuramos un universo a favor de Picasso; o que espertamos, dificilmente se pechará, subliñou o alcalde, quen recordou todas as iniciativas levadas a cabo nos últimos anos para promover a etapa coruñesa do artista, como a adquisición do baixo da casa onde residiuPicasso no número 14 da rúa Paio Gómez, as actividades dirixidos aos máis pequenos ou a edición de varias publicacións centradas na vida de Picasso na cidade.
“Foi moi importante conseguir que toda a comunidade picassianaacepte que o primeiro Picasso é o Picasso coruñés. Na nosa cidade, afloraron os sentidos de Picasso, é onde se forxou, formouse e onde tivo o seu berce académico. É un valor indispensable e indiscutible que xa temos”, engadiu o alcalde.
A exposición El primeiro Picasso. A Coruña 2015, promovida polo Concello de
A Coruña, está organizada coa colaboración do Museo de Belas Artes, a Consellería de Cultura e a Fundación Emalcsa. Contará con máis de 200 pezas, unhas 81 realizadas por Picasso, grazas á cesión de obras por parte dos museos dedicados a Picasso de París, Barcelona e Málaga e á contribución da Escola de Arte Pablo Picasso. Ademais, Picasso Administration, a sociedade que agrupa os herdeiros de Picasso, recolle no seu boletín do pasado xaneiro trinta das decenas de exposicións que se celebrarán en todo o mundo sobre Picasso en 2014 e 2015, e a da Coruña non só aparece nesta publicación, senón que ademais é unha das tres que destacan.
O alcalde agradeceu a colaboración dos patrocinadores na exposición, pola súa “boa vontade de mecenado”, e do Goberno central, por declarar esta conmemoración do 120 aniversario da primeira exposición de Picasso como acontecemento de excepcional interese público, a primeira vez que sucede cun evento da cidade.
