Ortigueira celebra esta semana as festas de Santa Marta. A programación comezou esta mañá co pasacalle a cargo da Banda de Gaitas de Ladrido, a Escola de Gaitas de Ortigueira e a Banda de Música de Ortigueira.
As diferentes iniciativas dentro da programación contarán con todas as medidas de prevención e seguridade necesarias #ante a covid-19.
Programación
O xoves 29 ás 12:00 horas terá lugar a misa en honra a Santa Marta, na Alameda. Xa pola tarde, ás 20:30 horas, a Alameda acollerá un concerto da Banda de Música de Ortigueira.
As actividades continuarán o venres 30. Ás 11:00 e 13:00 horas celebraranse as misas en honra á Virxe da Caridade do Cobre e ás 12:00 horas terá lugar a ofrenda floral na avenida de Cuba. A xornada pecharaa o Mago Antón co seu espectáculo de maxia “A volta a Galicia en 313 concellos”. A actuación terá lugar na Alameda e contará con pases ás 12:00, 13:00, 17:00, 18:00, 19:00, 20:00, 21:00 e 22:00 horas, co obxectivo de respectar os aforos e que todos os nenos e nenas interesados poidan acudir ao show.
O punto final ás festas poñerao a festa do mergullo os días 2 e 3 de agosto na Alameda. O evento comezará ambos os días ás 16:00 horas e contará con inchables acuáticos para que a mocidade pásello en grande.
