· “En Ortigueira contamos con arenais moi visitados durante toda a tempada estival, por este motivo reforzamos vos servizos co obxectivo de ofrecer espazos acondicionados e seguros tanto á veciñanza como ás persoas que nos visitan, ao mesmo tempo que creamos novos postos de traballo”, explica o edil de Emprego e Promoción Económica, Juan Cao.
· Os convenios temporais contan cun orzamento de 32.000 euros que serán financiados pola Xunta de Galicia.
O Concello de Ortigueira prepárase para a tempada estival e contratará a oito socorristas para reforzar a vixilancia nas praias do municipio.
Co obxectivo de ofrecer un espazo seguro, tanto para os orteganos e orteganas como para as persoas que visitan o concello durante o verán, o Consistorio solicitou á Xunta de Galicia unha subvención para a contratación de persoal de salvamento e socorrismo, que acaba de serlle concedida cunha achega de 32.000 euros. Os convenios que se financien con esta axuda terán unha duración de dous meses.
“En Ortigueira contamos con arenais moi visitados durante toda a tempada estival, por este motivo reforzamos vos servizos de atención co obxectivo de ofrecer espazos acondicionados e seguros tanto á veciñanza como aos e ás turistas que se achegan durante lestes meses á contorna”, explica o edil de Emprego e Promoción Económica, Juan Cao. “Todo isto ao mesmo tempo que se crean novos postos de traballo”, sinalou.
Servizo de limpeza de praias
A isto súmanse tamén as tarefas de limpeza que comezarán este venres e realizaranse nos diferentes areais co obxectivo de protexer e manter estes espazos naturais. A contratación do equipo -un total de sete persoas- conta cun orzamento de 28.835 euros, contía financiada a través do programa de Deputación dá Coruña destinada a este ámbito.
