A rapazada de Touro ten ata o mércores, 30 de xuño, para anotarse aos Campamentos de Verán 2021

Os rapaces e rapazas do Concello de Touro, dos oito aos 16 anos, poden apuntarse aos Campamentos de Verán 2021. O prazo para anotarse nesta actividade apoiada pola Consellería de Política Social remata o próximo mércores, día 30 de xuño de 2021. O Campamento de Verán, que terá lugar no Campamento Xuvenil A Devesa, en Ribadeo, desenvolverase do 26 de agosto ao 4 de setembro. O Concello de Touro conta con 27 prazas, que serán asignadas por rigorosa orde de inscrición. Os interesados poden chamar ao Departamento de Cultura do Concello de Touro: 981.814.566 ou 981.504.029.