Activa implicación da hostalería no deseño do calendario de eventos
Santa Uxía de Riveira, 5 de febreiro de 2015.- Todo esta preparado en Riveira para principiar a celebración do Entroido, con máis dunha vintena de actividades que servirán para conmemorar unha das festas máis aclamadas polos veciños do municipio.
A concelleira de Cultura, Elvira Pisos, e Isabel Lapido no nome da Asociación de Empresarios, foron os encargados de pormenorizar o calendario de eventos, que arranca hoxe mesmo co tradicional obradoiro de cociña e repostería de Entroido.
Nos próximos días sucederanse todo tipo de iniciativas, como espectáculos de animación de rúas, choqueirada infantil, un baile dos maiores en Corrubedo, a festa da noite de Entroido, o Festival de Murgas e Comparsas ou o Enterro do Felipe.
Tamén hai que destacar as distintas actividades promovidas pola hostalería: concurso de decoración de locais, un concurso de disfraces, actuacións musicais, obradoiros de maquillaxe, unha ruta de tapas do Pequeno Entroido e, para finalizar o martes 24 de febreiro, a súa gala anual solidaria.
Programa:
Do 10 ao 13 de Febreiro
OBRADOIRO DE COCIÑA E REPOSTERÍA DO ENTROIDO
Lugar: Aulas de Servizos Sociais
Datas e horario: Do 10 ao 13 de febreiro de 19:00 a 21:30 h
Destinatarios: Persoas de 16 anos en diante / Mín. 13 – Máx. 25 prazas
Información e inscricións: Do 6 ao 9 de febreiro, de 10 a 14 h
no Centro Cultural Lustres Rivas de Riveira – Tlf. 981 835650 e culturaefestexos@riveira.com
Publicación de listaxe de admisión: 10 de febreiro antes das 14 h no CC. Lustres Rivas e en www.riveira.com
Inscrición de balde e por rigorosa orde!
VENRES, 13 de Febreiro
ANIMACIÓN DAS RÚAS E PRAZAS DA HOSTELERÍA
DE RIVEIRA COA CHARANGA:
“O SANTIAGUIÑO DE PADRON” a partir das 9 da noite!
SÁBADO, 14 de Febreiro
ANIMACIÓN DAS RÚAS E PRAZAS DO COMERCIO E A HOSTALERÍA
DE RIVEIRA COA BATUKADA DO ENTROIDO (MALABARES, MÚSICA, BAILE, LUME…)
A partir das 8 da tarde!
ANIMACIÓN DAS RÚAS E PRAZAS DA HOSTELERÍA
DE RIVEIRA COA CHARANGA:
“O SANTIAGUIÑO de Padrón”, a partir das 11 da noite!
DOMINGO, 15 de Febreiro
ANIMACIÓN DAS RÚAS E PRAZAS DA HOSTELERÍA
DE RIVEIRA CON TRÉCOLA E CABEZUDOS CARNAVALEIROS:
A partir da 1 da tarde!
CHOQUEIRADA INFANTIL
Aviso a todas as máscaras e caretas, choqueiros, príncipes e princesas, demos, elfos, merlíns, piratas, cavernícolas, ratos, gatos, lunnis, gormittis, pallasos, monsters high, bob esponjas e demais seres de fantasía que queiran pasar unha tarde de entroidada.
Ás 17:00 h. na Carpa do Entroido (Paseo do Malecón) unha reviravolta de bulicio, algarabía, barafunda e profano divertimento, dará comezo á GRANDE FESTA INFANTIL para os máis cativos, amenizada por animadores de xogos, mascotas, desfile de disfraces con entrega de diplomas, obradoiros variados e moito máis…
Entrada libre e de balde!
Todos os nenos e nenas deberán ir disfrazados.
ANIMACIÓN DAS RÚAS E PRAZAS DA HOSTELERÍA
DE RIVEIRA COA CHARANGA:
“O SANTIAGUIÑO de Padrón”, a partir das 6 e media da tarde!
BAILE DOS NOSOS MAIORES:
A cargo dun grupo musical, na Casa do Mar de Corrubedo, a partir das 8 da tarde!
LUNS, 16 de Febreiro
FESTA DA NOITE DE ENTROIDO
Música, luces, animación, e baile na Carpa do Entroido,
a partir das 00:30 horas, no Paseo do Malecón.
Entrada libre e de balde!
ANIMACIÓN DAS RÚAS E PRAZAS DA HOSTELERÍA
DE RIVEIRA COA CHARANGA:
“O SANTIAGUIÑO DE PADRON” a partir das 12 da noite!
MARTES, 17 de Febreiro
FESTIVAL DE MURGAS E COMPARSAS
Ás 17:00 h. sairán da Carpa do Entroido as murgas e comparsas, acompañadas no desfile polas charangas “O SANTIAGUIÑO” de Padrón, “BB+” de Vedra e “ROUBA BICOS” de Vilagarcía, así como unha morea de personaxes que advertirán ao cidadán dos perigos de andaren a soas polas rúas.
As “Murgas Adultas” competirán no festival por un Primeiro Premio de 1.000 €, un Segundo Premio de 600 €, un Terceiro Premio de 400 € e un Premio Local de 350 €, para o que haberá un Xurado Entroido-Profesional composto por cinco membros, especialistas en Artes Escénicas e Caracterización, Letra e Música, Vestiario, Maquillaxe e Peluquería e a Presidencia que recaerá na Concelleira de Cultura e Festexos ou en que delegue, ademais do Secretario, con voz e sen voto.
Festival e actuación: Carpa do Entroido.
Bases en www.riveira.es
MÉRCORES, 18 de Febreiro
ENTERRO DO FELIPE
O finado
FELIPE DE RIVEIRA
Falecido e Confortado con Filloas e Augardente
R.I.P.
A súa dona, fillos, irmáns, curmáns e demais familia .
Pregan unha oración polo seu eterno descanso e agradecen a asistencia ao funeral do corpo presente que se vai oficiar no día 18 de febreiro ás 19.30 horas e ao posterior acto de incineración dos seus restos mortais na Praza de Pontevedra.
Oficiará o Sr. Bispo de Moldes, a Súa Eminencia Re-verendísimo Doutor Da Folla Seca quen virá na compaña do Sr. Marqués de Cacharrachada e o Sr. Gobernador do Entroido Excmo. Sr. D. Pedro Pateiro, ao ritmo da comparsa “O SANTIAGUIÑO” de Padrón,
polo que a familia suplica encarecidamente o máis rigoroso loito nos actos de sepelio e as moi ferventes manifestacións de dor e pranto por tan irreparable perda e por mor de abrandar os corazóns de tan importantes persoeiros e por aquilo de que “quen non chora non mama”.
Unha vez enterrado afogaremos todos xuntos os pesares na
Rúa de Portugal (praza entre Facenda e o Auditorio),
-e se chove a mares e escacha na rúa será na Carpa do Entroido-,
con preñados, orellas e rosquiñas, todo isto regado co mellor viño
Barrantes e demais bebidas para os padais máis exquisitos.
Favores polos que anticipan grazas.
Saída do acompañamento ás 19.30 h, dende o Palco de Pedra do Malecón
(R/ Romero Ortiz) pasando por Malecón, Concordia, Galicia, Canarias, Miguel Rodríguez Bautista, Mariño de Rivera, Praza do Concello, Rosalía de Castro, Galicia, Manzanares ata chegar á Praza de Pontevedra.
ACTIVIDADES DA HOSTALERÍA DE RIVEIRA
Organiza o Centro Hostaleiro Aberto de Riveira e a Asociación de Hostaleiros de Riveira. Colabora a Concellería de Cultura e Festexos.
CONCURSO DE DECORACIÓN DE LOCAIS DA HOSTALERÍA:
Deberán estar decorados do 13 ao 18 de febreiro. Prazo de inscrición, do 6 ao 12 de febreiro, ata as 14 h, no correo culturaefestexos@riveira.com
Venres 13 de Febreiro
CONCURSO DE DISFRACES:
Polos distintos locais da hostalería participantes. Premios ao mellor disfraz individual (100 € primeiro e segundo), mellor parella (200 € primeiro), mellor grupo (400 € primeiro) e vales de masaxes, aquagym, piscina con spa, etc aos segundos e terceiros premios. Todos os participantes, que cubran a totalidade das casillas da tarxeta, terán un premio de 1 masaxe no Complexo Deportivo da Fieiteira. Os que queiran concursas poderán coller a tarxeta en calquera dos locais participantes o mesmo día do concurso, venres 13 de febreiro. Puntuación por parte dos hostaleiros. Bases en www.riveira.es
Organizado polo Centro Hostaleiro Aberto e a Asociación de Hostaleiros de Riveira.
OBRADOIRO DE MAQUILLAXE, na R/ do Sal, a partir das 20:30 h, de balde. Organiza Asociación Cultural Rúa do Sal.
CONCERTO DE “OS LETRISISTAS”, na Caseira, a partir das 00:00 h e Obradoiro de Maquillaxe. Organiza Bar A Caseira.
Sábado 14 de Febreiro
CONCURSO AO DISFRAZ DA PARELLA MÁIS GLAMUROSA, Polos distintos locais da hostalería participantes, o sábado 14 de febreiro. Premio Único: unha noite nunha Casa Rural, con caixa de bombóns e botella de cava (previa cita no establecemento rural). Puntuación por parte dos hostaleiros. Bases en www.riveira.es
Organizado polo Centro Hostaleiro Aberto e a Asociación de Hostaleiros de Riveira.
Sábado 14 e Luns 16 de febreiro. ACTUACIÓNS MUSICAIS a cargo dun dúo ou trío. A partir das 22 h na Praza de Vigo. Organizan Balado, Mórrison e A Tu Gusto.
Domingo 15 e martes 17 de febreiro. OBRADOIROS DE MAQUILLAXE INFANTIL NA PRAZA DE VIGO. A partir das 18:00 h, de balde –en caso de choiva será no Balado, Mórrison e A Tu Gusto-.
Sábado 21 de febreiro
RUTA DE TAPAS DO PEQUENO ENTROIDO:
Sábado 21 de febreiro, de 12 a 16 h. As tapas deben ser relacionadas coa temática do Entroido (exp. Cocido, laconada, orellada…). Prazo de inscrición para locais participantes, do 6 ao 12 de febreiro, ata as 14 h, nos correos culturaefestexos@riveira.com e correo@empresariosriveira.com
Martes 24 de febreiro
GALA ANUAL SOLIDARIA DA HOSTALERÍA DE RIVEIRA
Haberá degustacións e eventos variados; a partir das 12 h todo o día, entrada de balde. Información na Asociación de Empresarios de Riveira (981 873 719 – correo@empresariosriveira.com). PODES COLABORAR LEVANDO alimentos, roupa, xoguetes, menaxe, etc a beneficio de STOP DESHAUCIOS DA BARBANZA. No transcurso da gala entregaranse os premios dos distintos concursos do Entroido 2015.
Bases dos concursos en www.riveira.com
