Walter Pardo, alcalde de Malpica, entregoulle un distintivo ao malpicán no Salón de Plenos.
O Concello de Malpica rendeu homenaxe esta mañá a Adrián Verdes, operario de Protección Civil de Malpica durante 25 anos. Walter Pardo, alcalde de Malpica, entregoulle unha distinción ao malpicán no Salón de Plenos.
Supón isto, un recoñecemento a toda unha carreira marcada pola solidariedade, a empatía e a prestación dun servizo esencial para a veciñanza. Nas verbas do propio Adrián, di sentirse “moi orgulloso” de pertencer á agrupación de Protección Civil de Malpica, pobo que “levo e levarei sempre no corazón.”
Pola súa banda, o goberno local destacou a “boa vontade” de Verdes á hora de “ser de axuda e prestar apoio a toda a xente que o necesita, dun xeito completamente altruísta e dedicado cen por cen á causa”, incidiron. “Adrián é un claro exemplo dun cidadán exemplar, que posúe valores que deben servir de exemplo ás novas xeracións.”
